Trobà. Qu’als quatre cantons del còr mieu al caud se ten l’amic luenchenc. Poèmes en occitan.

Lauranne

Trobà

L’amic luenchenc
À Christian, Jacques, Pascal... et les autres !

Qu’als quatre cantons del còr mieu al caud se ten l’amic luenchenc
Sorire amatat en talpinièras sosterranhas
L’amic desconegut que tan plan coneissi

Sens pèl e mai sens alenada e del det sul clavièr que te lo tòqui

Tebesas las tòcas del batarel d’aucèls subre las brancas
Del corrièr que t’a lo risolet l’amic luenchenc e dels mots lo silenci docinèl

De l’amic luenchenc qu’espèri pas res mas del cèl qu’es una quita dona l’encontrar a el
De preséncia luminejant
Son que el lo mieu silenci sap l’escotar
Son que el a de cançons pr’amor de los breçolar mieus sòms tristes
E qu’emplena las lucas sienras la benaürança mieuna

De l’amistat qu’a caud lo còr l’amic luenchenc
En corrèspondancia dintram
A mi correspond l’amic luenchenc
D’el espèri pas res
Mas qu’es un solelh la sia preséncia al prigond de la nuèch
Que las fenèstras totas ensulentis
Detràs la vitra aquò’s pas mai lo rebat mieune
Aquò’s l’amic qu’a rasis se ten
A l’altre cap del mond pr’amor d’a mi portar solaç

De la mia escritura lo silenci l’escotar que l’escotaràs

Dins l’ermàs
De la ciutat la furia
De l’aucelina lo cant
O dels garçons de café lo cridadis
Se suspend l’amic als mots de l’amic
E amb lo sieu còr se los escota

De l’altra man de terra qu’a l’amic lo caratge
Mas te las taravela las nivols lo sieu risolet
De còps que i a qu’escriu pas, mas qu’escota o sabi
E darrièr la mieuna crèsi sentir

Sul clavièr la man sieuna

Souillac, le 26 juin 2003

Revirada Occitana : T. Aconicia

Sommaire

Cette oeuvre est libre, vous pouvez la redistribuer et/ou la modifier selon les termes de la Licence Art Libre.
Vous trouverez un exemplaire de cette Licence sur le site Copyleft Attitude http://www.artlibre.org ainsi que sur d'autres sites.