Nostang

Quand pesucs de dobtanças los sòms se fan
Quand del bòsc tornan los drollets
Mentre que los lops
Ne sortisson eles
Quand entremièg los gauges nòstres que fan renguièras los ans
Atal coma los clavèls
De las portas
Quand de badas desfan los solelhs las costumas
Que de las nòvias los savis risets se destinan al debrembièr
E que tornarmai se dessenhan de las palusèlas los ribals
Nuds
Quand del còsses alassada se desfa l'amarra e los desnosa eles
Quand demest los schòrres trescolats la sià clòsca s'acorbaissa la maréia

Te s'estrenhon elas las tartarassas

Quand engulits lors crits per del cèl la davalada
De las sendarelas s'avalisson los aucèls
Se negreja ela l'aiga a las lucas d'aqueles que landran
E de las velas que jamai non existiguèron s'espacejan davant
La cròsa
Del còr lor

A la fenèstra estau
E mai del pentiment la mostrosa preséncia
Dreita
Te me ten